«Жастар арасында рухани құндылықтарды түсіндіру және діни сауаттылықты арттыру» тақырыбында кездесу

Мектебімізде 13-ші қыркүйек күні 7,8,9,10,11-сыныптың қыздарымен «Жастар арасында рухани құндылықтарды түсіндіру және діни сауаттылықты арттыру» тақырыбында кездесу болып өтті. Кездесуге Алматы қаласы, «Нұр-Мүбарақ» ЕИМУ исламтанушысы, журналист Кеңесбаева Айша Аманқызы, Алматы облысы, «Діни экстремизм құрбандары мен деструктивті ағым ұстанушыларын оңалту орталығы» психолог маманы Ұзақбаева Лаура Ерғалиқызы және аудандық білім бөлімінің маманы Үсіпбеков Нұрлан қатысты. Кездесудің мақсаты дәстүрлі емес діни ағымдардың белгілері, олардың ұстанымдары және салдары жайлы сөз қозғап оқушылар санасына осыған қарсы тұрарлық эммунитет қалыптастыру болатын. Кездесу барысында оңалту орталығының мамандары елімізде орын алған диструктивті ағымдардың құрбандары жайлы және болған жайттармен бөлісті. Жалпы дінтанушы маман ретінде кездесуге қатысушы жастар бұл дерттен қалай қорғану керек және қауіпті жақтарын айтып өтті. Жалпы діни ағымдардың салдары жайлы видеоролик көрсетілді.