Ата-аналар жиналысы

23.01.2025ж "Бірлесу-Еңбек" орта мектебінде "Мектеп, ұстаз, ата-ана бірлігі білім кепілі". тақырыбында 11 сынып түлектерімен, ата-аналар, ұстаздар және мектеп әкімшілігінің қатысуымен жиналыс өтті.Жиналыс барысында мектеп басшысы Аширов Ербол Сапарбайұлы оқушылардың жетістікке қол жеткізуіне ата-аналардың қолдауының маңыздылығын айтты.Оқушыларға болашақ мамандықтарын таңдау барысында пәндерді дұрыс таңдап алу керектігін тілге тиек етті.Мектеп тарапынан мемлекеттік емтиханға дайындық жұмыстары үнемі жүргізілетіні , кешендік тестілер ай сайын алынып, қорытындысы шығарылып отыратындығы, таңдау пәндері бойынша тыңғылықты әзірлік үнемі бақылауда болатындығы ескертілді.Ата-ана комитеті- Орманова Сәуле биылғы жауапкершіліктің жоғары екендігін, мұғалімдермен бірлесе отырып бала тәрбиесіне жауапкершілікпен қарайтындығын, балалардың мемлекеттік емтиханға дайындықтарына көп көңіл бөліп, алдағы ҰБТ-ке қөмектесіп, қолдау көрсететіндігін білдірді.
Мақсаты: 11 сынып білім алушыларының мемлекеттік емтиханға дайындығын шыңдау,жауапкершілікті сезіндіру, негізгі пәндерден оқушылардың білім сапасын арттыру, жоғарғы оқу орнына түсу және мемлекеттік гранттарын бөлу үшін ҰБТ-ге сапалы дайындалуына ой-түрткі болу