"Жас Ұланның -Жұлдызы" патриоттық ән байқауы

Мектебімізде жас ұрпақты отансүйгіштікке және шығармашылық қызметіндегі вокалдық бағытты дамыту мақсатында мектеп тәлімгері Т.Көштаева мен музыка пәнінің мұғалімі А.Байғонованың ұйымдастыруымен ақпан айының 14-і күні «Жас Ұланның –Жұлдызы!» атты патриоттық ән байқауы болып өтті. Байқауға жас ерекшеліктеріне сай 2-11 сынып оқушылары қатысты. 9-13 жас аралығы, 14-17 жас аралығында оқушыларымыз ән айтып байқауға қатысты. Байқау қатысушының орындаушылық шеберлігі, кәсіби сүйемелдеуге көңіл бөлуі, әнді жанды дауыспен орындау, сахна мәдениеті мен киім үлгісі, ән айту мәнері мен дауыс ырғағы бойынша бағаланды. Әділ қазылар алқасы мектеп директорының құқық ісі жөніндегі орынбасары Е.Жанқоразов, мектеп кітапханашысы Н.Спатова, «Мирас» ұлдар клубының жетекшісі Е.Жанқоразов пен музыка пәнінің мұғалімі А.Байғонова болды. Қатысушыларымыз номинациялармен және жүлделі Бас Жүлде , І ,ІІ,ІІІ орын дипломдарымен марапатталды. 9-13 жас аралығында 2 «Б» сынып оқушысы Рысбай Жібек пен 14-17 жас аралығында 7 «А» сынып оқушысы Кеңесбай Саят аудандық «Жас Ұланның –Жұлдызы!» патриоттық ән байқауына жолдама ұтып алды. Жеңімпаздарымызға аудандық байқаудан сәттілік.