"Ел үмітін ер ақтар" кездесу

Спорт – салауттылық кепілі, денсаулық тірегі. Әдетте кез-келген тұлға спортпен шұғылдана береді, бірақ шын спортшы болу әрқайсының қолынан келе бермейді. Өйткені, спорт өнерінде қайсар мінез, күш жігерлік, төзімділікті үйлестіре білген адам ғана айналысып, биік шыңдарға жетеді. Осыған орай , өсіп келе жатқан жасөспірімдердің спортқа деген қызығушылығын арттыру мақсатында «Бірлесу-Еңбек» орта мектебінде  мектеп оқушылары мен ауыл жастарын «Спорт саңлақтары ауылдан шығады» ұранымен  «Ел үмітін ер ақтар» тақырыбында мотивациялық  кездесу кеші өтті . 

           Кездесуге «Бірлесу-Еңбек» ауылынан түлеп ұшқан Қасымов   Садет  Әзімқұлұлы  мен   Ильицкий Иван Михаилович   аталарымыз және  кеш қонақтары Құтбаев Серік Медербекұлы мен Ауғанбаев Сәкен Ошақпайұлымен мотиватциялық жүздесу өтті. Қасымов  Садет  Әзімқұлұлы   ҚР еңбек сіңірген жаттықтырушысы , самбо ,дзюдо күресінен спорт шебері , СССР  чемпионы.

          Ильицкий Иван Михаилович  ҚР ның еңбек сіңірген  жаттықтарушысы Қазіргі таңда шәкірттері ҚР негізгі футбол құрама командасында ойнайды , ауылдан шыққан шәкірттері облыс көлемінде  үздіктер қатарынан көрінді . Ауғанбаев Сәкен Ошақпайұлы шахматтан спорт шеберлігіне үміткер,бокстан   спорт шеберлігіне үміткер.ҚР-ның шахматтан чемпионы.

          Кеш барысында «Бірлесу Еңбек» ауылынан шыққан спорт саңлақтары , оқушылардың бар сұрақтарына жауап беріп, құнды кеңестер берді. Кездесуден кейін, жасөспірімдер туған жеріне деген сүйіспеншілік, салауаттық өмір салтын сақтап, спортпен айналысуға құлшыныс пайда болды. Ар-намыс ұғымын жоғары ұстау, керектігін түсіндірді. Ауғанбаев Сәкен Ошақпайұлы мектеп оқушыларымен шеберлік шыңы ойыннын көрсетіп ,оқушыларға үлкен әсер берді. Кездесудің мақсаты да осы болатын. Кездесу барысында қонақтарымыз Жомарт түлек жобасы аясында оқушыларымызға спорт құрал жабдықтарын сыйға тартты.  Осындай мәнді, әсерлі кездесу сыйлаған ағаларымызға алғысымыз шексіз.