"Жасыл кеңістік" жобасы

Мектебімізде 2022 жылдың желтоқсан айында мектеп тәлімгері Т.Көштаева мен Өзін өзі басқару ұйымы мүшелерінің ұйымдастыруымен «Жасыл кеңістік» жобасы аясында мектеп фаесіндегі гүлдерге күтім жасау жұмыстары болды. 5-8 сынып оқушыларының қыздары сабақтан тыс уақытта келіп, мектеп фаесіндегі барлық гүлдерге су құйып, қураған жапырақтарын алып, шаң болған жапырақтарына су сеуіп күтім жасады.Бөлме гүлдері өздерінің жасыл көйлегі және әдемілігімен ғана емес шипалы қасиеттерімен де танымал, сонымен қатар олардың саялы да аялы жапырақтары көмірқышқыл газын өздеріне сіңіріп сыртқа оттегін бөліп шығарады. Өсімдіктер айналадағы ауаны тазартып, адам денсаулығын нығайтып, бойына күш береді, жарқын көңіл күйге бөлейді. Олар бөлменің ауасын тазартып, адам денсаулығына үлкен пайдасын тигізеді. Өзін өзі басқару ұйымы қыздары бұл істі екі аптада бір рет әдетке айналдыратынын айтып өтті.