"Сиқырлы қыс" сурет байқауы

Мектебімізде 2022 жылдың желтоқсан айында мектеп тәлімгері Т.Көштаеваның ұйымдастыруымен «Жас Қыран» балалар ұйымы мүшелерінің арасында жылдық жоспарға сай «Сиқырлы қыс» тақырыбында сурет байқауы болып өтті. Бұл сурет байқауының негізгі мақсаты бейнелеу өнеріндегі дарынды оқушыларды анықтау және оларға қолдау көрсете отырып, өскелең ұрпақты бейнелеу өнеріне баулып, патриоттық көзқарастарын қалыптастырып, эстетикалық талғамын дамыту болып саналады. Байқауға 10 «Жас Қырандық» оқушы белсене қатысып, өнер көрсетті. Жас суретшілердің жұмыстарын директордың тәрбие ісі жөніндегі орынбасары Н.Дәрменқұлов пен кәсіптік бағдар беруші педагог А.Пернебаев сараптап , бағалады. Оқушыларымыз Бас жүлде, І,ІІ,ІІІ дәрежелі дипломдармен және сыйлықтармен марапатталды. Бас жүлде иегері 4-сынып оқушысы «Жас Қырандық» Талғат Толғанай аудандық «Сиқырлы қыс» сурет байқауына жолдама алды.