декабрь

2017

Елін сүйген, елі сүйген Елбасы

Тақырыбы : Елін сүйген, елі сүйген Елбасы .

Мақсаты :

1.Школьникам Қазақстан Республикасының Президенті Нұрсұлтан Назарбаев туралы жан- жақты түсінік қалыптастыру, елбасының қоғамға және мемлекетке сіңірген еңбегі, экономика мен саясаттағы реформаларына талдау жасау арқылы білімдерін толықтыру.

2.Жасөспірім балалардың интеллектуалдық қабілеттерін қазақтың дара тұлғаларының жалынды жырлары арқылы дамыту.

3. Оқушылардың елін, Отанын сүюге, ата-бабамыздың ғасырлар бойы аңсап жеткен егемен ел болуының қаншалықты қымбатқа түскенін түйсіне отырып, еліміздің Тәуелсіздігін құрмет тұта білуге тәрбиелеу;

Әдіс- тәсілдері мен көрнекілігі: жатқа өлеңдер оқу, деректі фильм көрсету, слайд, плакаттар, ән-кдоммен би шығармаларымен көркемдеу т.б

Елдос :Күнге беттеп бара жатыр көш жүріп,

Елдің даңһы бар жаһанға естіліп,

Елбасыны құрметтейтін ерекше

Армысыздар, ақ пейілді көпшілік !

1-жүргізуші:

Қайырлы күн , құрметті ұстаздар мен оқушылар ! 1 желтоқсан күні тұңғыш Президент күні аталып өтеді. Календарьге қызыл белгімен енетін бұл күннің еліміз үшін орны бөлек. Себебі, өзінің жеке Әнұраны, мемлекеттік рәміздері бар тәуелсіз еліміздің уығын қадап, шаңырағын көтеріп, іргесін бекіткен Тұңғыш Президентіміз Нұрсұлтан Назарбаевтың халық алдында , мемлекет алдында еңбегі орасан зор.

2-жүргізуші:

Кеңес үкіметі күйреген шақта, жерінің тұтастығын сақтай отырып, елдің іргесін сөкпей татулық пен бірлікті , достық пен сыйластықты ту етіп көтере отырып, тәуелсіздігі баянды жасампаз Қазақстан мемлекетін құра білді.Күрмеуі көп қиын шақта , соқтықпалы, соқпақсыз кезде өзіне сенім артқан жұртын ешқандай қантөгіссіз өркениетке жетелеген һәм дамыған әлеуетті мемлекеттердің алдыңғы қатарына қоса білген Президенттің орны ерекше .

1-жүргізуші:

Олай болса бүгінгі тұңғыш Президент күні мерекесіне арналған «Елін» сүйген , елі сүйген Елбасы» атты салтанатты кешімізге қош келдіңіздер !

Абдулла:

Азттық пен елге қонды тосқан бақ

Қазақ елін мойындауда дос таңдап

Елбасының еңбегімен нұрлана

Қазағымның мерейі тұр аспандап

Елі үшінтолжа салып қиырдан

Ықпаған еш ауыртпалық қиыннан

Мерекеңі құтты болсын көпшілік

Елбасының құрметіне жиылған

Елі үшін көтеріп нар жүгінде

Сенімі нық сезілетін үнінде

Аты озған дүниедегі дүбірде

Нұрсұлтанмен кім мақтанбас бүгінде!

2-жүргізуші:

Елі құрмет тұтқан Елбасының Нұрсұлтан Әбішұлы Назарбаевтың өмір жолына шолу жасайық.

1-жүргізуші:

Балалық шағы .1940 жылы 6 шілдеде Іле Алатауының баурайындағы Үшқоңыр жайлауында Әбіш пен Әлжан Назарбаевтардың шаңырағында көптен күткен ұл өмірге келді. Оған әке-шешесі Нұрсұлтан деп ат қойды.

2-жүргізуші:

Сәбиге ат таңдаудың өзі бір жатқан хикаяға айналды.Тойға жиналған ағайын -туыс түрлі есімдерді тұс-тұстан айтып жатты. Ең ақырында жаңа туған ұлдың әжесі Мырзабала мынадай ұсыныс білдірді : Менің сүйікті немерем екі бірдей есімді алып жүрсін. Оның аты Нұрсұлтан болсын !-деді.Әлемдегі барлық әжелер секілді Мырзабала да немересінің азамат болып қалыптасуына ерекше еңбек сіңірді. Назарбаевтың анасы Әлжан 1910 жылы Жамбыл облысы Қордай ауданындағы Қасық ауылындағы молданың отбасында дүниеге келген.

1-жүргізуші:

Нұрсұлтан Назарбаевтың әкесі- Әбіш 1903 жылы Алатаудың бөктерінде Назарбай бидің шаңырағында дүниеге келген. Әбіш Назарбаев көңілді, қадірлі адам болды.Ол тек қазақ тілінде ғана емес орыс, және балқар тілдерінде де еркін сөйлейтін.Әбіш1971 жылы қайтыс болды.

Көрініс : Балалық шағы.

2-жүргізуші:

Нұрсұлтан Әбішұлы Назарбаев ерте есейді, орта мектепті бітіре салысымен Кеңес Одағының аса ірі Қарағанды металлургия комбинатының көлемді құрылысына аттанады.Құрылыста біраз еңбек еткеннен кейін бір топ қазақстандықтармен Украинаға барып металлург-жұмысшы мамандығын меңгереді. Бұл шойын құюшы,домна пешінің көмекшісі жұмыстарын атқарады,ал кейінірек инженер дәрежесіне көтерілді.

Бағжан :

Сол жылдары оның басшылық қасиеті жарқырап көрінді.Қалалық ,облыстық және республикалық көлемде басшы органдарда жауапты қызметтер атқарды ,металлургия комбинатында партком хатшысы, Теміртау қалалық,Қарағанды облыстық және республикалық партия ұйымдарында экономикалық салаға жауап беретін хатшы болды.Қазақстан үкіметін басқарғанда 44 жаста еді.Осылайша оның саяси өмірі басталады.

1-жүргізуші:

1991 жылы – желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайлады.Республика тарихында халық алғашқы рет саналы түрде өзінің тағдырын сеніп тапсырып, өз басшысын сайлады.

Назерке :

Нұрсұлтан Әбішұлы Назарбаев тәуелсіз Қазақстанның тұңғыш Президенті, экономика ғылымдарының док торы, академик, профессор. Қазақстан Республикасы Жоғары кеңесінің қаулысына сәйкес Нұрсұлтан Әбішұлы Назарбаев 1991 жылы 10 желтоқсанда Қазақстан республикасының Президенті лауазымымен қызметке кірісті. Нұрсұлтан Әбішұлы Назарбаев Қазақстан Республикасы қарулы Күштерінің Жоғары Бас қолбасшысы,Қазақстан халықтары Ассамблеясының төрағасы Қазақтардың дүниежүзі қауымдастығының төрағасы .

Ринат :-Біз ұлан ғайыр даланы ақ білектің күшімен, ақ найзаның ұшымен қорғаған батыр бабалардың арманына адал блуымыз керек. Олар тәуелсіз, азат мемлекет құруды аңсады.Осы арманды ақиқатқа айналдыру бақыты –Қазақстанның тұңғыш президенті Нұрсұлтан Әбішұлы Назарбаевқа бұйырыпты .

Жәнібек :

Бірде шырқап, бірде төмен құлаған,

Тарих жолы болған қиын бұралаң

Қазақ елін болашаққа бастады,

Елбасы боп сайланды да Нұрсұлтан

Бағжан :

Ел болдық, еркін болдық Астаналы

Енді кімнен қазағым тайсалады.

Тәуелсіз мемлекеттің шежіресі

Президент Нұрсұлтаннан басталады.

Шыңғыс:

1991 жылдың 16 желтоқсанында Қазақстан Республикасы жоғары сессиясы, « Тәуелсіз демократиялық және құқылық мемлекет»- деп жариялады.

Айдын :

Тоқсан бірде Президентті сайладық ,

Еркіндікке белді бекем байладық.

Ақ киізге Нұр ағаны көтеріп,

Тілек айтып,шаттық тойын тойладық.

2- жүргізуші :

Елбасы- Нұрсұлтан Назарбаевтың жарлығына сәйкес 1997 жылы мұнда бұрынғы астанамыз Алматыдан Республиканың басшы орындары, Президент кеңесі Қазақстан Республикасының Үкіметі және Парламент көшіп келді.Елімізді басқару жұмыстары осы жерден жүзеге асырылады.

1- жүргізуші :

1998 жылы 10 маусымда жаңа Астананың ресми тұсаукесері болды. Қала Есіл өзенінің оң жағалауында , Сарыарқаның солтүстік бөлігінде орналасқан. Бүгінгі таңда Астана ең жас,әдемі, көрікті қалаға айналды.

2- жүргізуші :

2006 жылы 7 қаңтарда әнұран қабылданды. Егемен еліміздің әнұраны жаңарды. «Менің Қазақстаным» жер жүзіне таралды.

Ақмарал :Нұрсұлтан Назарбаев ұлт тарихының жаңа дәуірін жасаушы тұлға Еліміздің тәуелсіздік алуы, Қазақстан мемлекетінің әлемге танылуы оның есімімен тығыз байланысты. Ол билік дегеніміз- жауапкершілік екенін іс жүзіне дәлелдеді.

Мөлдір :

Нұрсұлтан Назарбаев бәрінен бұрын өз міндетін, өз тағайындалуын терең сезінетін, үлесіне тиген міндетті жауапты әрі қажырлықпен атқаратын адам. Ол әр қадамын шын мәнісінде өте мұқият есептейді, ол үшін саясатшы болу-бойға біткен дарынмен қатар.

Елдос :

Нұрсұлтан Назарбаевтың жаһандық бастамаларды алға қою қабілетін, реформаторлық батылдығын әлем мойындады.

Абдулазиз :Қазақстан Президенті бастауымен :БҰҰ-на мүше болды, ядролық қарудан бас тартты, Ғарышқа тұңғыш қазақ ғарышкерлерін ұшырды. Жаңа Астана салды.Еуропа қауіпсіздігімен ықпалдастық ұйымына төрағалық етті. Әлемдік және ұлтаралық діндер басшыларының құрылтайын өткізді. Астанада Саммит өткізді. 7-ші қысқы Азияда ойындары өтті.

Жанерке :Қазақстанның биік белесі «ЭКСПО-17» әлемдік көрмесінің 2017 жылы Астанада өткізу мәртебесіне лайық деп табылуы .

Нұрай :Жаңа әлемдегі жаңа Қазақстанның дамуы мемлекет басшысының «Болашақтың іргесін бірге қалаймыз» атты халыққа жолдауында. «Қазақстан-2050 » стратегиясында көрініс тапқан.

Санжар :Қазақ елі желбіреп көк байрағың

Гүлге оранды ауылың мен аймағың,

Нұрсұлтаның биіктерге бастады

Ол көрсеткен нұрлы жолдан таймағын.

1-жүргізуші :Осы орайда өркендеп өскен Қазақстанның әлемдегі бүгінгі орны мен беделін мақтанышпен атап айтуға болады. « Ел- Елбасына тірек,Елбасы елге қалқан.» Бұл бүгінігінің шындығы Нұрсұлтан Назарбаев десе Қазақстан, ал Қазақстан десе Назарбаев ойға оралады деп халықаралық қауымдасдықтың мойындағанын толық аңғаруға болады.

Ән : Атамекен. Назерке

2- жүргізуші :

Әлем елдерінің басшылар мен саясаткерлерінің Президент Нұрсұлтан Назарбаев туралы айтқандарына құлақ түрейік :

Айдын :Джордж Буш- АҚШ-тың бұрынғы Президенті:

-Құрметті Нұрсұлтан Назарбаев сіздің басшылығыңызбен Қазақстан жаппай ,қырып- жоятын қаруды таратпау існде әлемнің жетекші елдерінің біріне айналды.АҚШ сонымен қатар Қазақстанға терроризмге қарсы жаһандық күресте көрсеткен достығы мен ынтымақтастығы үшін ризашылығымды білдіремін !

Ким Дэ Чжун- Корея Республикасының президенті:Оның демократиялық саяси және экономикалық өзгерістерді ойдағыдай іске асырып жатуының айғағы ,оларды әлемдік қауымдастықтың кеңінен тануы болып отыр.

Шыңғыс :Ұлыбританияның экс-премьер министрі Маргарет Тэтчер былай деп жазды :қазір әлемде 5-6 ірі өте ықпалды саясаткер бар Нұрсұлтан Назарбаев солардың қатарында мен оған сенемін.

Елдос :

Бар әлемге шын танылдық міне біз,

Елін сүйген Елбасы деп білеміз

Тең аталып Қазақстан –Нұрсұлтан

Нұрсұлтан мен Қазақстан тұр егіз.

Хор : «Елім менің»

1- жүргізуші :Елбасы үлкен саясаткер блуымен қатар жан-жақты дамыған тұлға, барлық қазақ азаматтары сияқты жылқыны жақсы көрді. Сондай-ақ өнерге де көп көңіл бөлетін адам.Оған дәлел жаңа өздеріңіз тыңдаған «Елім менің» және «Үшқоңыр» әндері. Бұл әндердің сөзі Нұрсұлтан Назарбаевтікі екенін біз мақтанышпен айтамыз.

Нұрай :

Ауыр күнді артымызға тастауы

Қиын сәтте қиындықтан қашпауы

Тілім ,дінім- ұлтым қайта көгерген

Елбасымыз Нұрағаныңның бастауы.

Туды ұстап тура жолға түсіріп,

Жас Отанның өмірін де түсініп,

Елім,жерім деп ұрандап тайсалмай

Бір керемет жасады – ау кісілік!

Елбасымыз саған мәңгі ризамыз!

Үлкен- кіші, ағайындар бәріміз,

Ұлтым- елім деп қайғырған ұлы жан

Сіз біздердің пірімізде, әніміз.

Абдулла: Сан ұлттың басын қосып Қазақстан

Бекемдеп саясатын іш пен тыстан

Елбасы ,алдын ала болжай біліп,

Сүрінбей аман өттік дағдарыстан.

Жыл сайын табыс қоссаң табысыңа

Әр қазақ берік болсын намысына

Нұрсұлтан Назарбаев бастай берсін.

Нұрлы жол Нұрлы заман бағытына!

Дастан: Қазағымның тау тұлғалы Нұр ұлы

Кешегі өткен асылдардың сынығы

Елімізді ардақтайды бас иіп

Бірлігімнің лайланбаған тұнығы.

1- Жүргізуші: Қазақстан бақытты ел, президенті танымды халқы қарымды, досы көп ел екенін де мақтан тұтамыз. Ел тарихын тұлғалар жасайды. Тұлға- елдің тұғыры, тұлға елдің тұтқасы. Біздің Президентіміз Нұрсұлтан Әбішұлы Назарбаев осындай нар тұлға.

1-жүргізуші: Әлем таныған дарынды тұлға іскер саясатшы. Қазақстан Республикасының тұңғыш Президенті Нұрсұлтан Әбішұлы Назарбаев 26 жыл ел басқарып келеді. Ол Қазақстанды бүгінде әлемге әйгілі мемлекет етіп, атын шығарды. Ел эканомикасын түзеп, болашақта көш бастаушы елдердің қатарына қосу үшін еңбек етуде!

Ақмарал:Ұлтпыз бүгін, қуатпыз, айбары асқан,

Эуразия төсінде алшаң басқан,

Тереземіз тең болып ,сан жұртпенен,

Дүниеге құшағын айқара ашқан.

2-жүргізуші: Әрине Тәуелсіздік туы бізге оңай тиген жок. Біздің халқымыз өзінің бостандығы мен тәуелсіздігі жолында тер де қан да төкті.

Назерке :

Атса жарқын таңымыз

Бақыттымыз бәріміз,

Құрметіне елімнің

Арналады әніміз

Ән: Алға Қазақстан. Назерке. Елдос.

1-жүргізуші: Елбасы «Қазақстан – 2050 » жолдауында: қорытынды сөзімді жас ұрпаққа,Қазақстан жастарына арнасам деймін, сіздер егеменді Қазақстанда өмір сүріп жатқан азаматтардың ұрпағысыңдар,сондықтан да сендердің алдарыңда іске асырудың біз қол жерткізбек болған болашақты өз қолдарыңызбен орнатудың шексіз мүмкіндіктері ашылып тұр, ендеше Қазақстанның болашағы сіздердің қолдарыңызда.

Бақберген:

Елбасымыз біреу, қалғанымыз тіреу- деп Шерхан Мұртаза айтқандай біз, жастар, болашақтың іргесін Елбасымен бірге қалаймыз!

2-жүргізуші:

Міне, біз қазір бақыт сезімімен «Бұл менің елім,менің жерім, тәуелсіз Қазақстаным » -деп жар сала мақтанышпен айта аламыз.

Ән : Қазақ елі

1-жүргізуші:

Халық елдің болашағы, тірегі сендер жас ұландар! Бойларыңдағы патриоттық сезім шынайы болып, туған еліңді, жеріңді, тәуелсіздігіңді ата- салтыңды, салт дәстүріңді сақтауға абыроймен ат салысыңдар.

Жанерке:

Егемен елім десем сенім кіріп,

Бойымды билеп алды сенімділік.

Ешкіммен ауыстырмас алтын Отан

Жырлаймын қасиетіңді төгілдіріп.

Ән : Атамекен ақ мекен. Назерке

Бақберген:

Осы ғой еліміздің өскендігі

Осы ғой бастан бұлттың көшкендігі

Айтылған Елбасының алғырлығы

Ешқашан шығармаймыз естен мұны.

Ән: Атамекен ақ тұрағым .Назерке